Los criadores de races del país critiquen la desapaición de la conseyería de mediu rural

La desapaición de la Conseyería de Mediu Rural, que d'agora en p'alantre va inxertase dientro de la de Mediu Ambiente, provocó la refuga de los criadores de races autóctones del país, qu'emitieron un comunicáu conxuntu firmáu polos ganaderos de raza asturiana de los valles y de la montaña, cabra bermeya, gochu celta, oveya xalda y asturcón. Pa los criadores, la desapaición de la Conseyería de Mediu Rural, que nos últimos años entamare dellos programes de recuperación de les races autóctones, supón un "despreciu pa coles actividaes agrícoles y ganaderes que son la base del caltenimientu de la población en mediu rural". Pa los criadores, venceyar les polítiques del campu a les del mediu ambiente espeya una concepción probetaya del mediu rural, que pasa a concebise como " sitiu d'espardimientu de la población urbanu, ensin tener en cuenta'l papel decisivu que xueguen campesinos y ganaderos na conservación del mediu".