Una investigación confirma l'orixe prerromanu del castru de Cuaña

"Les últimes investigaciones, promovíes pola Conseyería de Cultura y Turismu del Principáu, confirmen l'orixe prerromanu del yacimientu de Cuaña. Esti importante descubrimientu asitia'l castru polo menos nel sieglu IV enantes de Cristu, momentu nel que se llevantó'l primer edificiu termal, según informó la Conseyería al traviés d'una nota de prensa.

La datación de les muestres fízose nos llaboratorios de Beta Nalytic, en Florida (Estaos Xuníos) al traviés de la téunica del carbonu 14 y los resultaos van publicase nuna revista científica. L'arqueólogu del Serviciu de Patrimoniu, Ángel Villa, dirixe les actuaciones arqueolóxiques de la Conseyería de Cultura y Turismu nel occidente d'Asturies, dientro del plan arqueolóxicu del Navia-Eo, en collaboración col arqueólogu Alfonso Menéndez Granda, responsable de los trabayos de campu nel yacimientu."