Correos dexa de repartir cartes nes zones rurales poco poblaes

"A partir d'esti momentu los asturianos que vivan en viviendes alloñaes de los noyos de población van dexar de recibir carte en casas. Un real decretu del Ministeriu de Fomentu cambia'l réxime de repartu de les cartes, decisión qu'afeuta sobre manera a Asturies pola so tradicional distribución dispersa de la población.

El nuevu decretu afita una serie de criterios p'acabar col repartu de casa en casa, como ye vezu anguaño, pa entamar, en dellos casos, cola entrega de la correspondencia en buzones comunitarios asitiaos nel rodiu de la vía principal. Estes víes seríen asemeyaes a les que s'usen na recoyida de basures. Les razones que manifiesta'l Ministeriu de Fomentu pa echar p'alantre esta midida ye facilitar el llabor del carteru.

Nel casu d'Asturies correos nun quiso esclariar el númberu concretu de persones a les que pue afeutar esta midida, pero sí reconoció que son abondes les cases alloñaes del centru de los pueblos. En cualesquier casu, y anque la midida entá nun echó a andar, los vecinos de dellos conceyos d'Asturies yá la refuguen. Ye'l casu de Villaviciosa onde se creó hai poco una asociación pa tratar esti tema."