El coleutivu "Regasificadora no" yá tien más de 2.000 robles de sofitu

"El movimientu ciudadanu "Regasificadora no", que cuenta con parar el proyeutu de construcción d'una regasificadora nel puertu d'El Musel, tien yá más de 2.000 robles de sofitu ""en malpenes unos díes"", según sorrayó un voceru del coleutivu, lo que ""val pa facese una idea del grau d'esmolecimientu de la xente con esti tema"".

Dende que'l pasáu mes d'avientu un grupu de vecinos de Xove, La Calzada, El Natahoyo y Xivares, ente otros, decidieren aconceyase pa poner enriba la mesa ""los problemes de la instalación"", son munches les organizaciones que se sumen al movimientu. Toes elles acaben presentar públicamente'l so proyeutu como Plataforma, xuntando'l sentir de los vecinos ""fartos d'aguantar dalgunes de les instalaciones más contaminantes d'España"" y del restu los coleutivos que ven na Regasificadora ""una de les instalaciones más peligroses catalogaes""."