El Muséu de la Sidra y “El gaitero” organicen visites conxuntes a les sos instalaciones

Dende esta selmana, la Fundación "José Cardín" de Villaviciosa echa andar un serviciu de visites conxuntes al traviés del que va poder facese un recorríu pela colección histórica de la casa "Sidra El Gaitero" xunto colos llagares de la empresa y conocer tamién el Muséu de la Sidra en Nava, too ello al preciu únicu de 4 euros.

Amás de les instalaciones industriales del llagar "El gaitero" la esposición permite conocer los fondos de la colección permanente d'esta casa, con tou tipu de material publicitariu y fotográficu o muestres de productos ellaboraos pola empresa dende'l so aniciu a últimos del sieglu XIX

Los horarios pa estes visitas guiaes van ser, pal llagar y la Colección Permanente "El Gaitero", de llunes a vienres de 10.00 a 13.30 y de 16.00 a 18.30 y los sábados de 10.00 a 13.30. Cola mesma entrada pue visitase'l Muséu de la Sidra de Nava de miércoles a sábadu de 11.00 a 13.30 y de 16.00 a 19.30 y los domingos, de 12.00 a 13.30 y de 17.00 a 19.30 h. El visitante pue escoyer dir primero a Nava o a Villaviciosa.