L'ALLA edita dos nuevos númberos de la coleición Preseos

"Con esta coleición, que yá llega a los diez númberos, l'Academia de la Llingua quier facer un trabayu de recoyida oral que valga p'ameyorar los Diccionarios de la Llingua.

Nesti casu los trabayos presentaos son el Vocabulariu de Santa Marina y Vigu de Trinidad Larré Méndez del Río y el Vocabulariu de La Baña de Jonatán Rodríguez Bayo. El primer de los trabayos presenta vocabulariu del conceyu de Valdés, demientres que'l segundu recueye lésicu d'una zona asitiada ente Lleón, Zamora y Ourense."