IX-BA-LV dexó la reunión cola FSA-PSOE y declara que la negociación del pautu de Gobiernu ta “allancada”

Los representantes de la formación IX-BA-LV dexaron ayeri pela la reunión que teníen colos representantes de la FSA-PSOE al abultá-yos que la negociación ta allancada, lo mesmo a nivel programáticu como no tocante a la estructura de Gobiernu. Confirmase asina la llectura negativa que fexere yá'l miércoles la coalición que representa Jesús Iglesias, que refugare l'optimismu de la FSA cuando aseguró que'l pautu taba cuasimente zarráu.

Yá entós dende IX-BA-LV alviertieren que quedaben asuntos por pesllar en vivienda, mediu ambiente, bienestar, sanidá, fiscalidá y tamién en política llingüística, ello arriendes de que la coalición nun se conformaba cola propuesta socialista de repitir l'esquema actual de conseyeríes y el repartu de les mesmes ente les dos formaciones.

Anque nun trescendió tres de l'abandonu de la reunión l'efectu d'esta salida, fontes consultaes por esti mediu aseguraron qu'esti mesmu vienres pela mañana diba intentar recuperase'l diálogu y que se caltenía la reunión puesta pa güei a les 10 de la mañana na sede de la FSA.