Queden aprobaos los topónimos de Samartín del Rei Aurelio

"El nuevu decretu determina los topónimos oficiales del conceyu de Samartín del Rei Aurelio que, poro, pasen a tener la denomación d'oficiales. Dende la entrada en funcionamientu de la normativa, les Alministraciones Públiques tán obligaes a dir adautando les rotulaciones nes víes públiques y les carreteres del conceyu, asina como los mapes y planos oficiales, según les formes toponímiques qu'apaecen nel decretu.

Na rueda de prensa que la conseyera d'Alministraciones Públiques y Portavoz del Gobiernu, Ana Rosa Migoya dio n'Uviéu, informó de l'aprobación del decretu pol que se determinen los topónimos oficiales del conceyu de Samartín del Rei Aurelio. Con esti son 25 los conceyos que tienen aprobada la toponimia oficial. La Xunta Asesora de Toponimia cuenta con ellaborar amás un mapa oficial d'Asturies, n'escala 1:200.000, onde se tengan en cuenta toos ellos."