El 20% de la enerxía d'España tendrá de ser renovable a partir de 2020

"La Comisión Europea (CE) quier obligar a España a cubrir el 20% del so consumu total d'enerxía con fontes renovables d'equí a 2020, más del doble de lo que representen anguaño. La propuesta ta dientro d'un paquete de midíes presentaes por Bruseles pa combatir el cambéu climáticu nos siguientes años pente medies de la baxada d'emisiones de gases contaminantes y l'espoxigue de les enerxíes renovables.

L'oxetivu de la CE ye que, nel 2020, el 20% del consumu européu seya al traviés d'esti tipu d'enerxíes, talamente como quedó afitao polos xefes d'estáu y gobiernu de los ventisiete'l pasáu mes de marzu. Pa ello Bruseles tien repartíos los oxetivos obligatorios por países, a partir de los que tendrán d'ellaborar un plan d'aición, permitiendo asina al conxuntu de la Xunión Europea pasar del 8'5 al 20% d'enerxíes renovables.

La propuesta de la CE afita por embargu, que los países van poder vender certificaos de renovables a los socios con más torgues na producción d'esti tipu d'enerxía."