Estrenes de cine

El popular monstruu verde Shrek torna a les pantalles del nuesu país
cola tercer entrega de les sos aventures, entitulada
"Shrek
Tercero". Nesta ocasión el protagonista tien
d'enfrentáse a dos retos: la so viniente paternidá y la busca
d'un herederu pal tronu del reinu de "Muy muy lejano", por mor que
tres la muerte del so suegru y rei Harold, Shrek tuvo qu'asumir la corona real.
Como anécdota hai que conseñar que na versión orixinal
doblaron a los personaxes actores como Cameron Diaz, Ruper Everett, Mike
Mayers, John Cleese o Eddie Murphy, mientres que na versión en
castellán encargáronse d'esi llabor los cómicos Cruz y
Raya, l'actor Antonio Banderas o'l comentarista deportivu Michael Robinson.


Per otru llau col títulu de
"Goodbye,
America" estrénase un documental que percorre la vida de
l'actor Al Lewis, qu'algamó la popularidá como'l güelu de la
serie "Los monster". Nesta cinta Al Lewis, que ñació en
1910 y morrió l'añu pasáu, relata la so vida, la so
neñez y mocedá nuna familia probe nel barriu xudíu de
Brooklyn, les dificultaes y miseria que truxeron la Gran Depresión y la
so actividá política como activista d'izquierdes na
Norteamérica del sieglu XX. Mas estrenes d'esta selmana na
nuesa cartelera.