Areces llama a la "responsabilidá" de los partíos pa sacar p'alantre la Llei de Creitu Estraordinariu

"Vicente Álvarez Areces dixo ayeri en Grau que'l so Gobiernu ta centráu na Llei de Creitu Estraordinariu, que piensa unviar al Parlamentu ""ente finales de xineru y principios de febreru"". Nel contestu de prollongación del presupuestu, llamó a la ""responsabilidá"" de los partíos p'aprobar la norma y sacar p'alantre los proyeutos ""qu'Asturies necesita"". Areces fizo estes declaraciones en rempuesta a les entrugues que los medios de comunicación-y ficieron en Grau, onde visitó les nueves instalaciones de la Residencia de Persones Mayores de Grau y asistió a la puesta en funcionamientu de la estación d'autobuses nueva.

No que cinca a la variante de Grau, Areces anunció que'l próximu día 6 de febreru yá va tar en serviciu. Sorrayó amás que les víes de comunicación n'Asturies contribúin al so desarrollu. ""Ye como un árbol qu'alimenta los sos raigaños con tola salvia que tien nel rodiu; da-y vida y nueves oportunidaes"", añadiendo que tola zona interior d'Asturies comunicase yá al traviés d'autovíes que, amás, incrementaron el so ritmu d'execución."