El presidente palestín illegaliza a Hamas

El presidente palestín, Mahmud Abbas decidió ayeri illegalizar al movimientu islámico Hamás, una decisión que tomó darréu de nomar un nuevu gobiernu encabezáu pol primer ministru Salam Fayad, que como primer midida anunció la conxelación de les cuentes de bancu del anterior executivu de coalición ente Hamás y Al-Fatah. El gabinete palestín, definíu como "tecnocráticu e independiente" y que llega nun momentu d'enfrentamientu abiertu ente los partidarios de les dos grandes formaciones palestines, inclúi dos muyeres y dos persones de relixón cristiana ente los sos 12 ministros, que van llevar les carteres de cultura y de Turismu y Asuntos de la Muyer. El nuevu gobiernu quier facese cola autoridá sobre Gaza, pero'l territoriu ta tomáu polos partidarios de Hamás dende la selmana pasada, llendando l'autoridá de fechu del nuevu executivu a Cisxordania. Ello ye que, anque Hamás tien mayoría nel parlamentu, la Llei permite nomar un gobiernu d'emerxencia por trés meses ampliables a seis. Como yera d'esperar, Hamás nun reconoció'l nuevu gobiernu.