El presidente palestín disuelve'l gobiernu y declara l'estáu d'emerxencia

El presidente palestín, Mahmoud Abbas, declaró ayeri la disolución del gobiernu , convocando elecciones anticipaes y declarando al empar l'estáu d'emerxencia. La situación de la tierra de Gaza, ond militantes de Hamás tomaron al asaltu les oficines de seguridá y la sede de la policía lleal al presidente. Dende'l domingu, los enfrentamientos ente palestinos supunxeron la muerte de 80 persones, 30 d'elles nes últimes 24 hores. Ente les víctimes hai dos trabayadores de l'Axencia de Naciones Uníes pa los Refuxaos (UNRWA), organismu que peslló toa actividá humanitaria nel llugar pol peligru de la situación. Trés meses dempués d'echar a andar el Gobiernu de Coalición ente Al Fatah y Hamas, la situación d'enfrentamientu ente les militancies de los dos movimientos paez nun tener torna posible, ello coles llamaes a diálogu de los responsables de dambes formaciones. La Lliga Árabe convocó una reunión d'emerxencia pa esti sábadu na que va estudiase la situación, que ta garrando una dinámica de caos que llevó a la organización Human Rights Watch, a acusar a los miembros d'Al Fatah y de Hamás de llevar alantre execuciones sumaries de deteníos, asesinatos de xente non implicao nos enfrentamientos y d'enfrentase con armes na redolada d'hospitales".