Socialistes y IX-BA-LV echaron la so segunda reunión en comparar programes

Les formaciones polítiques FSA-PSOE y IX-BA-LV celebraron esti miércoles el segundu alcuentru
De negociación con vistes a repitir el pautu de Gobiernu. Les dos partes esplicaron nuna rueda de prensa que dieron n'acabando la reunión Jesús Gutierrez pola FSA y Noemí Martín por IX-BA-LV que la reunión valió pa comparar los respectivos programes de Gobiernu y pa esgastar les rocees existentes ente les dos partes.

Dempués d'esti segundu alcuentru tampoco nun se comunicaron detalles sobre la negociación, que dambos representantes políticos esplicaron que se centró esclusivamente nos conteníos programáticos. Sicasí, les dos partes, que van volver a aconceyar esti vienres, declaráronse "optimistes". Asina Noemí Martín recordó qu'hai voluntá de llegar a un alcuerdu, anque matizó que dambes fuerces saben qu'ello nun va ser "a cualquier preciu" y recordó qu'un alcuerdu d'estes característiques nun ye cosa d'hores. Ensin fecha definitiva pal final de les negociaciones, la próxima reunión ente los posibles socios de Gobiernu va tener llugar esti vienres 15.