Miles de palestinos entren n'Egipto dende Gaza

"Miles de palestinos entamaron a colase güei n'Egipto dempués de que dellos homes armaos y mazcaraos punxeren esplosivos xunto a la muria que separta la Franxa de Gaza del país vecín. La esplosión, que tuvo llugar pela nueche, dexó abiertos dellos furacos na frontera ente los dos países, según esplica güei'l diariu 'Yedioth News'.

Esto coincide coles declaraciones que facía'l Gobiernu egipciu, cuando-y dicía a Hamas que retirare a la xente que s'aconceyare yá, enantes de la esplosión, nel cruce fronterizu de Rafah. A lo menos 90 pesones, les más d'elles muyeres, foron golpiaes polos guardies de pasu, qu'usaron gases, palos y cañones d'agua pa contra los manifestantes, que protestaben escontra'l pieslle del pasu fronterizu.

Hasta'l momentu'l pasu de los refuxaos, qu'en dellos casos arrecostinen toles sos pertenencies, ta faciéndose d'un mou pacíficu, pesie a la gran cantidá de persones que formen esta caravana que dellos medios califiquen como auténticu ""éxodu""."