Gran asistencia a la manifestación escontra la criminalización de les lluches sindicales

"Más de cinco mil persones, según les cifres de la organización, sofitaron la manifestación convocada por CCOO, CSI, Suatea, CGT, CNT y USO, escontra de la criminalización de les lluches sindicales, qu'atravesó les cais del centru de Xixón.

Enantes d'entamar, el voceru d'USO, Francisco Baragaño, fizo alcordanza, nes declaraciones a los periodistes, de que l'oxetivu yera ""sensibilizar a la sociedá sobre l'aumentu de los procesos xudiciales escontra los trabayadores y los sos voceros sindicales, namás por defender, los sos puestos de trabayu""

Los manifestantes llevaben pancartes a esgaya y durante'l percorríu glayaron consignes como ""Más trabayu menos represión"" y ""Trevín fascista"", no relativo al Delegáu del Gobiernu d'Asturies, Antonio Trevín. De fechu, una de les convocantes de la manifestación, la Plataforma contra la Represión y poles Llibertaes, pide la dimisión de Trevín por consideralu responsable de la ""represión"" que tan sufriendo los trabayadores y voceros sindicales, asina como los procesos sindicales abiertos."