Mieres axunta a les escueles de música tradicional asturianes

Cinco centros d'enseñu de música tradicional d'Asturies y les organizaciones de dellos cursos y conciertos paryicipen esti sábasu en Mieres nos VII Alcuentros d'Escueles de Música Tradicional d'Asturies

Nos alcuentros van participar les Escueles de Candamu, Coaña, Castrillón, Llanera y Mieres, entamando les actividaes na Casa de la Cultura dende les 10 y media de la mañana con cursos sobre'l baille tradicional y música a cargu de la esperta Fe Santoveña, collaborando con ella los profesores Marcos Villanueva, Noelia Prieto de Zárraga, Paula Prieto de Zárraga y Fernando Rodríguez. A les 12,30h l'Auditoriu Municipal de Mieres va acoyer un conciertu del grupu Tuenda, siguiendo les actividaes hasta les 17h col conciertu de toles escueles participantes

Los primeros Alcuentros tuvieron llugar en Mieres en la primavera de 2001 Na Casa de Cultura "Teodoro Cuesta". L'oxetivu de los Alcuentros ye'l de poner en contactu a toles Escueles de Música tradicional d'Asturies slredor del Aula de Música Tradicional de la Escuela de Música de Mieres, que desarrolló'l so propiu proyectu pedagóxicu.