Ocho asturianos muerren tolos díes por causa del tabacu

Una de cada cuatro muertes n'Asturies tien que ver col consumu de tabacu, acordies colos datos de la Conseyería de Salú. Ello ye que de los 12.703 fallecimientos qu'hebo n'Asturies nel 2005 cerca de 3.000 tuvieron que ver col vezu del tabacu, que tienen ún de cada trés asturianos. La faza d'edá onde más asturianos fumen ta ente los entre 35 y 44 años y los que menos, ente los 55 y los 64 años.

El Gobiernu asturianu apurrió estos datos con motivu de la celebración del día mundial ensin tabacu y reconoció que'l tabacu ye la primer causa de muerte n'Asturies, onde, dende que funciona la llei antitabacu mengüó la venta de paquetes un 4,5%.