La profesora Isabel Ruiz de la Peña fala del románicu de Villaviciosa

La profesora titular d'Historia del Arte de la Universidá d'Uviéu y esperta n'arte románicu Isabel Ruiz de la Peña va poner esti vienres en Villaviciosa la conferencia "La vida cotidiana nel Románicu de Villaviciosa" facdiendo un repás a les escenes de la vida qu'apaecen espeyaes nes cerca de trenta ilesies romániques qu'hai espardíes pel conceyu. La charra va ser a les ocho de la tarde d'esti vienres nos locales de la Fundación José Cardín de Villaviciosa.

La conferenciante ye autora de los llibros: "Dos ejemplos de arquitectura religiosa medieval en el Oriente de Asturias: siglos XII-XVI" y "La capilla de Nuestra Señora de los Dolores de Grado: construcción., historia y restauración" espublizando más de venti artículos de temática medieval. Collaboradora de la Fundación José Cardín Fernández, ye responsable de los testos de los sos materiales d'espardimientu sobre'l románicu nel conceyu.