El comité del PP asturianu refuga la llista propuesta por De Lorenzo

"La Oficina Municipal de la Llingua de Xixón acaba presentar les sos cuentes añales, cuentes qu'impliquen cuasique 14.000 actividaes ente tornes, campañes d'espardimientu del asturianu, actividaes en colexos o consultes d'usuarios.

Concretamente'l serviciu recibió tornes de dellos departamentos dependientes del Ayuntamientu de Xixón, como'l Festival de Cine, asina como otres procedentes de particulares y empreses. Amás esti añu siguieron col llabor entamáu nes escueles onde s'imparte llingua asturiana na ciudá, collaborando activamente coles maestres y maestros y proponiendo actividaes d'esparcimientu de la llingua y la cultura asturianes. Al empar, la Oficina reeditó, nesti añu 2007, dos campañes empobinaes al fomentu del usu de la llingua nos comercios y na hostelería de la ciudá: Equí tas en casa y Nel comerciu asturianu yes bienveníu/bienvenida.

La Oficina Municipal de la Llingua de Xixón cumplió cuatro años el pasáu 20 de xineru. Aguaño cuenta con dos persones trabayando como personal del Ayuntamientu y otres dos en condición de becarios. Les sos oficines asítiense nel Centru de Cultura Antiguu Institutu de Xixón."