Asturies.com, pa siguir la nueche de les elecciones

El próximu domingu 27, dende les 7 de la tarde, Asturies.com va facer un siguimientu de les elecciones asturianes 2007, contando coles opiniones de destacaos representantes del asturianismu que van comentar los resultaos de les votaciones y les sos impresiones sobre'l panorama políticu que s'abra a partir de los resultaos. A lo llargo d'esa nuecha na que va decidise'l futuru políticu d'Asturies va tar abierta la canal de chat d'Asturies.com pa que los nuestros llectores puean comentar les sos impresiones. Esperámoste y recordamos tamién a los nuestros llectores que puen facenos llegar les sos valoraciones sobre los resultaos. L'especial va abrise dende un pop-up que va saltar cada vegada que s'abra la portada d'Asturies.com. Quien tenga desactivaos los pop-ups nel so navegador, va poder entrar al especial dende esta dirección

D'otra manera, coincidiendo cola xornada de reflexón, los tableros d'anuncies d'Asturies.com van pesllase en previsión de que nun pueda facese un usu malintencionáu de los mesmos pidiendo'l votu por daqué opción determinada na xornada del día 27.