Sigue en Xixón el ciclu de conferencies n’asturianu sobre ciencia y tecnoloxía

El ciclu de conferencies en llingua asturiana que se desarrolla en Xixón con motivu de la celebración del Añu de la Ciencia n'España, tuvo ayeri la segunda de les sos conferencies, na que'l profesor del area d'informática de la Universidá d'Uviéu Xabiel G.Pañeda espunxo les estremaes tribes de redes de distribución d'archivos que funcionen na rede y la manera en qu'esta nueva filosofía del intercambiu de ficheros ente usuarios ta tresformando internet.

El ciclu sigue esti xueves 24, tamién a les 19:30h y nel Antiguu Institutu de Xixón cola ponencia dee Xosé María Fernández, del Institutu Européu de Bioinformatica de Cambridge "Xenómica. Desenduvellando'l filangrayu de la vida" na que'l ponente va allegar al públicu a una rama que ta suponiendo "una auténtica revolución en xenética" presentando al públicu los avances de la secuenciación del xenoma humanu o la medicina personalizao.