L'Ascensión y "Tolo d'Asturies" protagonicen el fin de selmana

Dos feries, una tradicional, La de L'Ascensión d'Uviéu, y otra
acabante ñacer, "Tolo d'Asturies" de Llangréu, ocupen
un llugar destacáu n'axenda d'ociu pa esti fin de selmana. Asina, una
nueva feria va celebrasé los dies 18, 19 y 20 de mayu en
Llangréu, concretamente nel recintu de la Estación d'Autobuses.
El conceyu del nalón acueye la muestra cultural "Tolo
d'Asturies", una feria que ñaz cola intención d’amosar
diferentes realidaes representatives de la gran bayura cultural
d’Asturies. L’Ayuntamientu de Llangréu y la Conseyería
de Cultura, patrocinen esta feria cultural qu’organicen les asociaciones
culturales “Reija” y “L’Enguedeyu”. D'ente toles
actividaes progframes rescamplen los conciertos del vienres y el sábadu.
El vienres actuen a les 22:00 h. Tuenda y Xuacu Amieva y esti sábadu a
la mesma hora van tocar en conciertu Anabel Santiago y Tejedor. Tol programa de
la feria llangreana puede consultase
equí.


Per otru llau la tradicional Feria de L'Ascensión celébrase
los dies 18, 19 y 20 na losa de RENFE d'Uviéu y quier ser como ye
davezu'l puntu d'alcuentru y d'homenaxe a los homes del campu asturianu y a los
productos de la nuesa tierra. Esta edición va contar con feria de
ganáu y productos asturianos, asina como d'artesanía, actuaciones
de grupos folklóricos, bandes de gaites, mercáu astur, deportes
autóctonos, etc. rescamplando la faceta musical de la feria gracies a la
IV Ascención de música folk. D'esti mou, el vienres van actuar
Jerónimo Granda y Tejedor, a partir de les 20:00 h. El sábadu
serán Xuacu Amieva y El Sueño de Morfeo a les 20:00 h y el
domingu son protagonistes a la mesma hora La Bandina y Melendi. Tola
programación de La Ascensión puede consultase
equí.
Mas actividaes d'ociu n'Asturies na nuesa axenda.