Llamazares ofrézse a pautar col PSOE

"El candidatu a la presidencia del Gobiernu y coordinador xeneral d'Izquierda Unida, (IX) Gaspar Llamazares, llanzó ayeri un mensaxe claru al PSOE sobre un posible pautu tres de les elecciones del 9 de marzu. Llamazares aseguró que la so coalición quier entrar nel ""área de Gobiernu"" de la próxima llexislatura y contribuyir al ""cambiu d'izquierdes non sólo dende una posición constructiva y influyente"", sinón siendo ""decisivos"" pa contribuyir a esi cambiu ""dende un alcuerdu fuerte"".

Nun almuerzu informativu de l'Asociación de Periodistes Parlamenterios (APP), Llamazares consideró que ""cada vez ye más evidente"" que'l 9 de marzu va ganar el PSOE, mientres qu'el PP ""como muncho"" va poder caltener la so situación actual ""de segunda fuercia política"". ""N'Izquierda Xunida tamos convencíos de que podemos incrementar la nuesa presencia y queremos qu'eso sirva pa un cambiu d'izquierdes"", plantegó.

Pa Llamazares, les aspiraciones de los socialistes d'ampliar la so mayoría nun son más qu'un ""eufemismu"" y vaticinó que ""van quedar lloñe de la mayoría absoluta"". Por eso, aseguró que'l PSOE ""va tentar de contar"" con Izquierda Xunida-ICV, tres les elecciones, y avisólu de que nun va contar únicamente cola ""permisividá"" de los últimos cuatro años. Según esplicó, IX nun va permitir un Gobiernu conservador, pero al mesmu tiempu va ser ""mui exixente dende la izquierda"", asitiándose nel ""área programática y con una política decisiva"" pa la llexislatura. ""Esta llexislatura tuvimos nel área del apoyu parlamentariu por una mayoría d'izquierdes pero deseamos que na próxima se vaya más p'allá y pa eso'l compromisu tien de ser más fuerte"", destacó."