Concursu pa pareyes de gaita y tambor en Vidiago

L'Asociación Cívica Cultural y Deportiva de Vidiago convoca'l I concurso de pareyes de gaita y tambor "Troféu Hermanos Cueli". La competición va celebrase'l 19 d'agostu a les 11 hores. Col oxetivu de potenciar y esparder la pareya como formación característica de la música tradicional n'Asturies y rindiéndo-y un homenaxe bien merecíu a los hermanos Pedro y Víctor Cueli, que dende los años venti hasta primeros de los setenta allegraron y dignificaron les fiestes de munchos pueblos d'Asturies y Cantabria, naz esti "Troféu Hermanos Cueli de Vidiago", que quier facese una referencia nes muestres de folklore. La web oficial del concursu asoleya toles bases.