"Unidá" va poder presentase a les elecciones

La coalición UNIDÁ va poder presentase a les elecciones autonómiques y de conceyos dempués de ganar un recursu contenciosu-alministrativu énte la Xunta Electoral Provincial, que de mano refugare proclamar les llistes de la coalición por entender que los representantes d'Andecha Astur enxertos na mesma nun teníen autoridá sobre la sigla del partíu.

La resolución apauta qu'Unidá tien de retirar toa referencia al nome Andecha Astur, anque dende la coalición sorráyase como la mayoría de la militancia y la totalidá de los actuales cargos públicos d'esta organización va nes sos llistes.

La coalición asegura que'l sector d'Andecha Astur que se presenta en solitario namás cuenta col 10% de la militancia de la organización y como esta ellaboró un elaboró un acta "presuntamente falsa" na que figura como secretariu xeneral d'AA una persona que nunca fuere escoyida pal cargu y que ta por ello "imputada por presunta falsificación de documentos públicos".



La resolución de la Xunta Electoral supón el preste pa toles llistes d'Unidá sacante Xixón, onde'l xulgáu negó a la coalición derechu a presentase. Los representantes d'Unidá, qu'esti fin de selmana presentó públicamente les sos listes por Xixón y por Samartín del Rei Aurelio, aseguraron que diben presentar un recursu d'amparu énte'l Tribunal Constitucional güei llunes, que tendría de tar resueltu'l día 10 como tope.