La Xunta Electoral ordenó la retirada de la precampaña de la FSA-PSOE

La Xunta Electoral Provincial ordenó ayeri la "retirada inmediata" de los carteles de la FSA-PSOE nos que, cola semeya del candidatu a la presidencia d'Asturies, Vicente Álvarez Areces, apaecen el lema de precampaña "Creemos en Asturias" y la frase "tu voto puede" xunto col anagrama del partíu. La retirada d'esta campaña, que tamién se repite nos candidatos a conceyos, ye resultáu de la denuncia puesta pol Partíu Popular, qu'interpretaba que los carteles pidíen el votu fuera de los díes oficiales de campaña. El secretariu d'organización de la FSA, Jesús Gutiérrez, alvirtió que la so formación va presentar un recursu pa que la Xunta provincial eleve la decisión a la nacional, en cuantes que en Cantabria yá se desestimare la mesma denuncia que fexo'l PP asturianu por esta campaña.