L'ultraderechista Tomislav Nikolic ganó la primer vuelta de les elecciones en Serbia

"El líder de la oposición ultradrechista serbia, Tomislav Nikolic, foi'l ganador de la primera vuelta de les elecciones que se celebraron esti fin de selmana nel país, llogrando'l 39,5% de los votos. L'actual presidente, Boris Tadic, del Partíu Democráticu Serbiu, namás llogró'l 35,5% de los votos nunes elecciones que rexistraron una participación del 60%. Al nun pasar nengún candidatu del 50% de los votos, va precisase d'una segunda vuelta que va celebrase'l 3 de febreru.

La proclamación d'independencia de Kosovo, prevista pa la vuelta de pocos meses, y les torgues qu'alcuentra'l país pa entrar na UE son los dos temes que capitalizaron l'actualidá serbia nestes selmanes. Belgrado anunció que diba declarar illegal la proclamación d'independencia kosovar, mientres que la UE esíxe-y a la república más collaboración nes detenciones de criminales de la guerra civil yugoslava. El gobiernu serbiu prohibiere espresamente la presencia nes votaciones d'observadores de los Estaos Unios y del Reinu Uníu, países que se declaren partidarios de la independencia pal Kosovo."