Un llibru en Braille avera la lliteratura n’asturianu al colectivu invidente

10 autores asturianos collaboren nel volume "Cinco minutos. Narrativa asturiana nel cantu del mileniu" primera obra n'asturianu escrita en Braille que se plantea l'oxetivu de "llograr enganchar nuevos llectores de tolos ámbitos", según esplicó'l xefe la Oficina de Política Llingüística, Ramón d'Andrés.



La Conseyera de Cultura, Comunicación Social y Turismu, Ana Rosa Migoya, Imelda Fernández, Conseyera delegada de la Organización Nacional de Ciegos (ONCE) n'Asturies y Abel González, presidente del Conseyu de la ONCE n'Asturies presentaron xunto con Ramón d'Andrés la obra . Migoya felicitó a "toles persones que collaboraron para qu'el proyectu d'esti llibru fuera una realidá" mientres qu'Abel González sorrayó'l valor del llibru como un preséu qu'avera "la llingua a la ONCE y a los ciegos a la llingua". Carmen Rodríguez Pérez, miembro de la organización ONCE d'Asturies, remató la presentación faciendo la llectura d'ún de los poemes del llibru.