Xixón celebra los Alcuentros de la Mocedá cola Llingua

Con motivu de la celebración de la Selmana de les Letres Asturianes, los estudiantes y escolinos de lprimaria y secundaria de Xixón participen n'actividaes rellacionaes col asturianu. Asina les escueles públiques de la zona Oeste de Xixón, en collaboración cola Fundación Municipal de Cultura y la Conseyería d'Educación, entamen les XII Xornaes de la llingua y la cultura asturiana, en collaboración cola Fundación Municipal de Cultura y la Conseyería d'Educación.

D'otra manera, los estudiantes d'Enseñanza Secundaria Obligatoria del conceyu de Xixón van participar el próximu 8 de mayu nos "IV Alcuentros de la Mocedá cola Llingua "una actividá lúdica y pedagóxica na que van conocer aspectos de la cultura asturiana. 619 alumnos y 26 profesores de 12 institutos de la ciudá que van facer visites guiaes n'asturianu a instalaciones culturales como'l Xardín Botánicu pa conocer los nomes de los árboles y les plantes, amás de tomar parte n'actividaes de xuegos tradicionales como la rana, o'l tiru de cuerda ente otres. El grupu folk "La Bandina" va echar el piesllu a esta xornada.