El Parlamentu asturianu presentó'l V volume de la colección "Actes Históriques de la Xunta Xeneral"

El Parlamentu asturianu presentó ayeri'l V volume de la colección "Actes Históriques de la Xunta Xeneral del Principáu, llibru que forma parte d'un proyectu de la institución nel que collabora la Universidá d'Uviéu y qu'abarca la documentación creao ente 1594 y 1835. El volume asoleyáu correspuende al periodu d'actes dende'l 21 de febreru de 1675 hasta'l 3 de setiembre de 1678, trés años inxertos nel reináu de Carlos II.

Na presentación de la obra tuvieron presentes la presidenta de la Xunta Xeneral María Jesús Álvarez González, y la caderalga de ciencies y técniques historiográfiques de la Universidá d'Uviéu, Josefa Sanz, xunto col caderalgu d'Historia Moderna de la Universidá Autónoma de Barcelona Ricardo García Cárcel. Los historiadores sorrayaron la importancia d'estes actes pa conocer la sociedá y economía d'Asturies d'aquel tiempu y llamaron l'atención sobre lo desconocío d'esta fonte documental.