IX-Bloque por Asturies-Los Verdes presentaron oficialmente les sos candidatures

La coalición electoral IX-Bloque por Asturies - Los Verdes presentó oficialmente'l pasáu sábadu les sos llistes electorales nel Palaciu de Xusticia d'Uviéu. El coordinador xeneral d'Izquierda Xunida de Asturias, Jesús Iglesias va liderar la llista pela circunscripción central, pasando l'anterior candidatu del 2003 y actual Conseyeru de Xusticia, Francisco Javier García Valledor, al segundu puestu. Noemí Martín, Aurelio Martín, Diana Camafeita y Emilia Vázquez faen los siguientes puestos na llista. El representante del Bloque por Asturies, Roberto Colunga, ocupa la séptima plaza por esta circunscripción, mientres que Joaquín Arce, de Los Verdes, va dir na octava. Jaime Gareth, actual alcalde de Degaña, va liderar la candidatura pela circunscripción occidental y Francisco Vázquez, candidatu tamién a l'alcaldía de Ribeseya, la del oriente.