La Xunta pola Defensa de la Llingua remata los detalles pal "Conciertu pola Oficialidá"

La Xunta pola Defensa de la Llingua Asturiana sigue rematando detalles pal conciertu pola Oficialidá, tradicional celebración musical y reivindicativa que la organización de defensa del asturianu programa como adelantu al Día de les Lletres Asturianes. El conciertu, que llega a la so XIX edición, treslládase del so llugar tradicional nel Campus d'Humanidaes d'Uviéu al aparcamientu del estadiu de fútbol Carlos Tartiere, onde va instalase una carpa xigante y dos escenarios independientes nos que van dir alternándose les actuaciones de los grupos Tuenda, Llangres, el grupu de pandereteres "Dulcamara", el duu Lafu y Rebeca Velasco, el cantante y compositor Toli Morilla, el grupu de reggae Chalaneru Soundsystem, el hip-hop de K-Nalón y el ska-rock de Skama la Rede

El conciertu va entamar a les 19:30 hores, ufiertando más d'ocho hores de la meyor música n'asturianu. Les entraes tán a la venta al preciu de 5 euros la entrada adelantada nos locales collaboradores de la organización y y a 6 euros na puerta. Asturies.com ye una de les empreses collaboradores d'esta convocatoria.