Propuestes d'ociu

"El conciertu de Luz Casal d'esti sábadu n'Avilés rescampla sobre'l resto d'eventos pa esti fin de selmana nel nuesu país. D'esti mou la cantante asturgallega va dar un conciertu pa presentar el so últimu discu: ""Vida tóxica"" nel Auditoriu de la Casa la Cultura a partir de les 21:00 hores. Esi mesmu día represéntase nel Teatru Xovellanos de Xixón a les 20:30 la obra ""Demasiado humano (los últimos días de Nietzsche), una recreación de los últimos díes del filósofu alemán Federico Nietzsche. Ye un testu de Jaime Romo que llevó’l premiu ""Lope de Vega"" en 2005.

Yá'l domingu nel Teatru Xovellanos 20:30 h. tenemos la visita del músicu brasileñu Toquinho, que foi collaborador del poeta Vinicius de Moraes col qu'escribió más de 120 canciones y grabó discos lexendarios como ""En la Fusa"", con Maria Creuza y Bethania. Toquinho ye ún de los nomes más populares de la música brasileña, escelente compositor y guitarrista. Tamién el domingu pero pela mañana celébrase la quinta fase eliminatoria del XVI Concursu y Muestra de Folklore “Ciudá d'Uviéu”, na que Carlos Rubiera va presentar el so últimu discu tituláu ""Asturianaes"". Va ser nel Teatru Filarmónica a les11:45 h. Munchos mas eventos pa esti fin de selmana n'Asturies na nuesa axenda d'ociu."