Álvarez Areces y Ovidio Sánchez rétense a un debate públicu

El presidente asturianu Vicente Alvarez Areces, aceptó ayeri'l convite del candidatu del Partíu Popular Ovidio Sánchez, pa celebrar un debate electoral en dalgún mediu de comunicación asturianu. Areces declaróse dimpuestu a facer el debate "nes condiciones que determinen las fuerces polítiques" retrucando asina a la propuesta del principal candidatu opositor a la presidencia d'Asturies, que pidiera facer a lo llargo de la campaña ún o dellos debates públicos col presidente. Sánchez propunxere'l debate como una plataforma dende la que falar de "tolos asuntos que-yos interesen a los asturianos, y pa que vean cómo Areces xustifica la falta de compromisu con Asturies" mientres qu'Areces, qu'aceptó darréu de facese'l convite, recibió la propuesta con interés y declaró qu'Ovidio, con tener tiempu pal debate na Xunta Xeneral, lleva yá tiempu "ensin facer nin entrugues".