Javier Fernández diz que la reforma del estatutu urxe pa qu’Asturies nun quede en desventaya con otres comuniudaes

El secretariu xeneral de la Federación Socialista Asturiana, FSA-PSOE y númberu dos de les llistes de los socialistes pa les elecciones autonómiques, Javier Fernández, cree que "en cuantes que la mayor parte de les comunidaes rematen yá los sos procesos de reforma estatutaria resulta urxente entamala n'Asturies". Fernández declaró que los estatutos d'otres comunidaes tán adelantando compromisos d'inversiones del Estáu, afitando midíes de financiación autonómica o la participación de les autonomíes n'órganos institucionales". Fernández llamentó qu'Asturies podría quedar fuera d'esos privilexos y midíes pero aseguró que la reforma estatutaria que defenda la FSA nun va afondar en temes identitarios. Tocante a la referencia de la llingua asturiana nel estatutu, el líder socialista declaró que'l PSOE quier protexela y siguir promoviéndola al traviés de la Llei d'Usu "dándo-y mayor dignidá na sociedá y nos medios de comunicación" pero oponiéndose a "a los elementos d'imposición que lleva arreyada la cooficialidá".