La Banda de Gaites de Villaviciosa trunfó énte la xente de casa

La Banda de Gaites de Villaviciosa - El Gaitero llogró esti fin de selmana'l primer puestu na segunda fase de la "Liga Galega de Bandas de Gaitas" que se celebró esti fin de semana en Villaviciosa. Anque'l mal tiempu del vienres y el sábadu obligó a cancelar dellos conciertos estropiando un fin de selmana que la organización pensare con munchu procuru, los gaiteros "de casa" trunfaron el domingu énte'l so públicu nuna competición na que tomaron parte cerca de 3.000 gaiteros y 89 bandes d'España y Portugal.

La banda de Maliayo, que dirixe'l maestru Martín Poladura, interpretó pieces como la muñeira y el xiringüelu de Remis Ovalle, "Ayer vite na fonte" y "Carmín de la Pola" llogrando una valoración del xuráu de 95,50 puntos sobre un total de 100. La segunda clasificada foi la banda "A Carballeira" que fexo 94 puntos y que va la primera na clasificación xeneral de la liga. El "caxón" de la prueba completólu la banda de la Casa Galega de L'Hospitalet. A poca distancia quedó la banda de gaites asturianes "la Tayuela de Mecer" formada por gaiteros madrileños d'orixe asturianuEl ganador definitivu de la competición va decidise na tercera y última fase de la Liga, que va facese na estación d'esquí de Cabeza de Manzaneda, en Galicia. Dempués de ganar en casa, a banda de gaites de Villaviciosa - El Gaitero va solicitar ser otra vuelta sede d'una de les prebes de la Liga pal añu 2009.