Inauguróse la Casa de Cultura de Mieres

El Conceyu de Mieres esfruta dende ayeri d'uina instalación cultural nueva dempués d'inaugurase les obres de remocique de la Casa la Cultura del conceyu, que lleva'l nome del poeta asturianu "Teodoro Cuesta" al que se-y fexo homenaxe nel actu cola presentación d'una nueva edición de "Andalucía y Asturies" obra orixinal del escritor asoleyada nel añu 1870.

Les obres nel edificiu, antigua escuela de capataces del conceyu, duraron cuatro años por causa de retrasos y problemes y contaron con una partida presupuestaria de más de trés millones d'euros con cargu al Plan Complementariu de les comarques mineres. D'elles salió un edificiu que cuenta dende agora con un teatru auditoriu con 324 butaques y que tien una biblioteca de más de 50.000 volúmenes. Al actu d'inauguración asistieron el Presidente asturianu Vicente Álvarez Areces y la Conseyera de Cultura Ana Rosa Migoya.