Guerra y amoríos prohibíos nes estrenes de la cartelera

El cine británicu y la historia de los soldaos norteafricanos
combatientes na Segunda Guerra Mundial rescamplen nes estrenes
cinematográfiques nes pantalles del nuesu país esta selmana. Cate
Blanchett -protagonista de películes recientes como "Babel o
"El buen alemán"- interpreta na pelicula británica
"Diario de un
escandalo" a una profesora d'arte que mantién una
relación amorosa con ún de los sos alumnos. Esta relación
ye descubierta por otra profesora de caracter repunante y estrañu ,
qu'encarna l'actriz Judi Dench, que va pasar d'amiga de so a amarga-y la vida
convitiéndola nun drama. Otra producción que llega dende les
islles britániques ye la nueva entrega de les aventures de Mr. Bean, el
popular personaxe cómicu interpretáu por Rowan Atkinson. Nesta
ocasión col títulu de "Las
vacaciones de Mr. Bean", na que se cuenten les vacaciones
caótiques y alloriantes d'esti personaxe pel sur de Francia.

Per otru llau, llega a los cines asturianos una coproducción
europea/magrebí de cine bélico entitulada
"Dias de gloria".
Protagonizada por Jamel Debbouze- al que pudimos ver en "Amelie" o
"Asterix y Obelix: misión Cleopatra"- narra la historia
escaecida de los soldaos norteafricanos, principalmente marroquinos y
arxelinos, que s'alistaron nel exércitu francés pa lliberar a
Francia de la ocupación alemana durante la Segunda Guerra Mundial. Mas
estrenes de la selmana na nuesa
cartelera.