El Muséu de Belles Artes presentó’l so catálogu de pintura asturiana del sieglu XIX

El Muséu de Belles Artes d'Asturies presentó ayeri'l so catálogu razonáu de pintura asturiana del Sieglu XIX una obra na que s'analicen 145 cuadros de 38 autores procedentes de los fondos de la institución y que lleva la firma del prestixosu espertu
Javier Barón, responsable de la sección del sieglu XIX del Muséu del Prado.

El creador del catálogu, acompañáu pol director de Promoción Cultural y Política Llingüística Carlos Madera y el director del Muséu Emilio Marcos Vallaure, presentó esta obra sobre la que destacó que recueye les aportaciones de los artistes qu'entamaron a trabayar nel segundu terciu del sieglu, y qu'acaba con aquellos que nacieron nel 1873. Darío de Regoyos, Dionisio Fierros, Suárez Llanos, León y Escosura o Alvarez Catalá son dellos de los nomes qu'apaecen nesti catálogu que se correspuende con una esposición inaugurada ayeri mesmo sobre pintores asturianos del sieglu XIX y qu'inxer 90 cuadros de tolos xéneros y escueles estilístiques.



Con motivu de la esposición van facese tamién una serie de conferencies y actos qu'entamen güei cola entitulada "Pintura asturiana del sieglu XIX. Del romanticismu al naturalismu", del mesmu Javier Barón. El 18 d'abril el muséu acoyer la conferencia "Arquitectura asturiana del sieglu XIX", impartida pol profesor de la Universidá Vidal de la Madrid, mientres que pal mes de mayu, l'escritor Francisco Crabiffosse va falar de "Grabáu y fotografía n'Asturies nel sieglu XIX". Esti mesmu autor repite en xunu con "
"Artes industriales asturianes del XIX" pesllando'l ciclu Javier Barón, que va falar nesta ocasión de "Escultura asturiana del XIX". La esposición acompáñase igualmente d'un ciclu de música d'esti sieglu.