Hip hop, Anabel Santiago y Música electrónico, propuestes pal fin de selmana

Trés propuestes musicales poco convencionales que van celebráse esti
sábadu marquen les suxerencies d'ociu pa esti fin de selmana n'Asturies.
A les 22:30 h. nel Parque d'Arriba de Grau va haber l'actuación del
músicu asturianu d'hip-hop Dark la
eMe, nel que va presentar el so nuevu discu "7 años en la vida
de Dark la eMe", nel que s'inclúin 6 temes non editaos hasta agora,
amás de 10 de los meyores cantares del so primer LP "Esto no va a
salir en vinilo" escosáu dende'l 2003. Xunta a él
actuará'l conocíu grupu madrileñu d'hip-hop
"La excepción",
formación que resultó ganadora na categoría de meyor grupu
español na edición de 2006 de los premios de la MTV-Europa.

Tamién esti sábadu pero en Xixón tenemos dos cites
musicales mui diferentes. Per un llau tenemos na Estación de Feve de
Xixón a les 20:00 h. un "Conciertu multicultural" dientro del
proyectu "Tren de la diversidad" nel que la cantante asturiana
Anabel Santiago comparte escenariu
col grupu eslovenu "Brina" y el
marroquí "Darga". Y per
otru va celebra´se'l primer Festival
LEV (Laboratorio de Eléctronica Visual), eventu internacional
dedicáu a les propuestes vanguardistes de la música
electrónica y que forma parte del programa d'apertura del Centru d'Arte
y Creación Industrial de la Universidá Llaboral de Xixón.
Esti sábadu van actuar los artistes Tape, Fuss!, Lego My Ego & VJ
LO-6, Ryoichi Kurokawa, Mouse On Mars, Thomas Fehlmann & Alex Dragulescu,
Apparat & A. Dragulescu, Luomo & Render Buzz y Alejandro López
& Amanda López. Too ello de magar les 20:30 h. na Universidá
Llaboral . Mas actividaes pa esti fin de selmana nel nuesu país na
axenda d'ociu.