EasyJet va poner en marcha un tercer vuelu diariu ente Asturies y Madrid de magar el 30 de marzu

"L'aerollinia EasyJet va poner en marcha un tercer vuelu diariu ente Asturies y Madrid de magar el 30 de marzu. Los vuelos de l'aerollinia de baxu coste van salir de Madrid a les 7.20, 14.45 y 19.40 hores, mientres que les salíes de la terminal de Santiago del Monte van ser a les 9.05, 16.40 y 21.20 hores, según informó la compañía al traviés d'una nota de prensa. Los billetes pa esi vuelu tán dipsonibles na páxina web de l'aerollinia y van tener tarifes que van permanecer invariables respecto a los dos otros vuelos diarios a Madrid, dende 19,99 euros por tratectu. La nueva frecuencia va salir cada día del aeropuertu de Madrid a les 14.45 hores y va despegar dende Asturies a les 16.40.

La ruta Asturies-Madrid rexistró nel 2007 un altu porcentaxe de pasaxeros de negocios. Pa ellos EasyJet presenta esti nuevu Puente Aereu que se completa con una serie de servicios como'l cambiu de baldre al vuelu anteiror si'l pasaxeru llega pronto al aeropuertu y siempre qu'haya places disponibles, y eliminar les restricciones de pesu d'equipaxe de mano. EasyJet peslló l'añu 2007 con 200.600 pasaxeros n'Asturies, aumentando nun 182 por cientu los 70.991 viaxeros rexistraos nel 2006. Con esti espectacular crecimientu l'aerollinia consolida la so posición como segunda compañía del aeropuertu. La conexón con Madrid foi, según la firma, ún de los sos ""mayores éxistos"" n'España nel 2007, rexistrando una media de 14.000 pasaxeros mensuales."