El Quebec celebra elecciones esti llunes

El Quebec va celebrar elecciones esti llunes. L'ascensu nes encuestes del conservador Mario Dumont compromete la reelección del actual primer ministru del Québec, el federalista liberal Jean Charest. La xuba n'intención de votu del políticu conservador, que nun se declara partidariu del independentismu nin del federalismu, encóntase en gran midida nel mieu a la inmigración de parte de la población y nel apegu a los valores tradicionales del Canadá rural. Les encuestes faen perder tamién terrén a les opociones independentistes que s'axunten alredor del Bloque Quebequés.

Too ello fai albidrar un mapa políticu qu'alloña la fecha pa un posible nuevu referendum d'independencia nesti país francófonu que ta reconocíu oficialmente dende últimos del 2006 como "nación" dientro del Canadá, una declaración simbólica que tuvo llugar doce años dempués del referéndum que los separatistes quedaron a 30.000 votos de ganar. Les últimes encuestes asitien a toles grandes formaciones, los separatistes del Partíu Quebequés (PQ), los conservadores de Dumont y los federalistes de Jean Charest nun empate virtual.