L'’Asociación Cultural Furmientu organiza unes xornaes centraes nel patrimoniu llingüísticu zamoranu

"L’Asociación Cultural Furmientu de Zamora organiza esti mes de xineru les sos ""Jornadas de Cultura Tradicional de Zamora” que lleguen a la so VI edición y que van entamar esti mesmu vienres 18 de xineru cola conferencia del periodista, Gerardo González Calvo “El habla tradicional en Pajares de La Lampreana y la Tierra del Pan”, un tema ya conteníu nel so llibru ""Palabras y expresiones coloquiales. Pajares de La Lampreana.” Centraes nel patrimoniu llingüísiticu de Zamora, les xornaes van siguir al día dempués,19 de xineru, cola charra de la doctora en Filoloxía Hispánica María Victoria García Malmierca, sobre “El habla de La Bóveda de Toro: la transformación del mundo rural y su repercusión en el vocabulario agrícola” tema qu’esta llingüista zamorana trata nel so llibru “Agricultura tradicional y moderna. El léxico agrícola en La Bóveda de Toro”. El programa remata'l 26 de xineru cola conferencia “La tradición oral en leonés” a cargo de Nicolás Bartolomé Pérez, investigador de la cultura tradicional y autor del llibru “Filandón. Lliteratura popular llionesa”. Toles conferencies del programa van celebrase nel salón d’actos de Caxa España de la cai San Torcuato de Zamora, a les 20.00 hores la del el día 18 y a les 18.30 el restu d'elles."