Miguel Rojo presenta en Xixón “territorios”

L'autor de Tinéu Miguel Rojo presenta esti miércoles 14 en Xixón la so obra "Territorios (Poesía 1980-2005)" llibru billingüe asturianu-castellanuque fai estoyu de lo esencial de la xera poético de Miguel Rojo, ún de los escritores en llingua asturiana que más sofitó, dende los entamos de los ochenta, l'espoxigue del asturianu como llingua lliteraria. Más conocíu y reconocíu como narrador, el Miguel Rojo poeta quixo más quedar cásique na solombra, asoleyando pocos llibros, ensin que por eso esta parte de la so obra dexare de medrar, despacín y d'un mou soterráneu pero non por ello menos verdaderu. Otru poeta, José Luis Piquero, val-y al llector de guía y d'intérprete per estos territorios, que munchos llectores van descubrir agora por primer vegada. L'actu va ser na llibrería Casa del Libro, nel númberu 3 de la Plaza d'Italia de Xixón.


Miguel Rojo (Zarracín, Tinéu 1957), doctor en Bioloxía y profesor d'institutu, ye ún de los autores fundacionales y fundamentales del Surdimientu. Narrador existosu y lleváu yá al cine, autor de llibros pa neños y poeta, tien publicao llibros tan importantes como Asina somos nós (1989), Tienes una tristura nos güeyos que me fai mal (1989), Hestories d'un seductor (Memories d'un babayu) (1993), Buscador d'estrellas (1996), Historias del más acá (1999), Raitán el petirrojo (2003) o Llaberintos (2005).