La ONU acusa al Gobiernu del Sudán de crímenes contra la humanidá

Un informe del Conseyu de Derechos Humanos de les Naciones Uníes coordináu pola premiu Nobel de la Paz Jody Williams acusa al Gobiernu de Sudán de "orquestar y participar nos crímenes de guerra y contra la humanidá" nel país. L'informe acusa al executivu sudanés de tar directamente implicáu nes matances y d'actuar n'asesinatos masivos xunto coles milicies operatives dende la fin de la Guerra Civil qu'enfrentó al norte musulmán col sur animista del país.

Violaciones, abusos sexuales, tortures y arrestos y detenciones arbitraries son comunes nel país, según denuncia l'estudiu, que tamén alvierte de la represión sobre la disidencia política y les restricciones a l'actividá política, al empar que llama l'atención sobre la falta d'ayuda humanitaria na zona, causada en gran parte polos ataques a los miembros d'organizaciones y entidaes cooperantes nel país.

L'oxetivu de la misión de la ONU en Sudán yera conocer de cerca'l conflictu armáu na rexón de Darfur, qu'entamó va cuatro años y que yá tien tres de so un total de más de 200.000 muertos y qu'obligó al desplazamientu de más de dos millones de persones, les más d'elles pa contra la frontera col Xad.