El Fapas ve “mui difícil” axuntar les poblaciones d’osos na cordelera cantábrica

El Fondu pa la Protección d'Animales Selvaxes (FAPAS) dio a conocer un informe en qu'alvierte de les dificultaes p'axuntar la población d'osu pardu na cordelera cantábrica, énte la perda de población d'osos n'Asturies, concretamente na fastera ente Teberga y Quirós. El documentu del FAPAS perita en 80 años más de llabor de conservación de los osos el tiempu precisu pa que los focos oseros d'oriente y occidente tuvieren xuntos.

L'estudiu del FAPAS espón que la evolución de la población ye positiva, conseñándose un procesu claru d'aumentu del númberu d'osos que viven en llibertá y especialmente la cantidá d'oses que son a reproducise en llibertá. El FAPAS denuncia que, con meyorar la situación de los osos, los sos medios naturales tán cada vegada menos protexíos. Los responsables del FAPAS afirmen que les esperiencies previes de recuperación de terrenos por parte del osu apunten escenarios mui lentos y encamienta a trabayar nos conceyos d'Ayer y Casu pa "facilitar la recuperación d'esta especie" proponiendo como midida'l prindamientu d'osos del focu occidental pa soltalos na otra zona osera y asina llograr una meyor reproducción.