El Principáu presenta un plan de promoción pal comerciu nes aldees

El conseyeru d'Industria y Emplegu Graciano Torre, presentó'l pasáu fin de selmana un Plan Sectorial de Comerciu Rural col oxetivu d'entornar la dinámica de pieslle d'establecimientos comerciales rurales y la mengua de la so cuota de mercáu. El proyectu cuenta con una financiación d'un millón d'euros

Acordies colos datos qu'apurrió'l conseyeru, n'Asturies siguen abiertes 502 tiendes rural de les que 352 son chigres-tienda.

Torre apuntó a la concentración de población nel área central d'Asturies como principal factor que daña a estes tiendes tradicionales. Contra esta dinámica, el Gobiernu asturianu quier ayudar a les tiendes rurales como una midida pa evitar la perda de población, meyorar la calidá de vida y favorecer los servicios al turismu. El plan cuenta con ocho llinies d'actuación, subvencionando asistencies técniques pa la redacción de planes de negociu o la modernización de les tiendes.