La UE fai un apueste oficial poles enerxíes renovables y contra la contaminación

Los líderes de la UE roblaron un alcuerdu pa qu'un 20% de la enerxía que consuman los Ventisiete estaos miembros consuman nel 2020 provenga d'enerxíes renovables. L'oxetivu marcáu güei ye de cumplimientu obligatoriu pa tolos miembros, anque teniendo en cuenta les especificidaes de cada país pa llogralu.

La canciller alemana y presidenta semestral de la UE Angela Merkel congracióse pola aprobación del alcuerdu del que dixo que "abre la puerta a una dimensión nueva de la cooperación europea na llucha contra'l cambéu climáticu".

L'alcuerdu aprobáu inxerta otros dos compromisos, el primeru de mengua del 20% de les emisiones de gases d'efectu invernaderu pal 2020 y el segundu un compromisu d'emplegu de polo menos un 10% de biocombustibles nel gastu total de combustibles de la UE pa esa mesma fecha.

Agora queda lo más difícil, que ye apautar el repartu de responsabilidaes y cuotes po estaos pa llegar al oxetivu del 20% d'enerxíes enovables y 20% de mengua d'emisiones.