Los ecoloxistes avilesinos denuncien la contaminación de los ríos de Castrillón

El Colectivu Ecoloxista d'Avilés presentó escritos énte Confederación Hidrográfica del Norte y a Demarcación de Costes denunciando "la llamentable situación de falta de llimpieza de los calces de dellos ríos del conceyu de Castrillon. La denuncia de los ecoloxistes refierse a los rios Ferreria, que sal a la playa de Santa María del Mar, Bayas y el Entrecanales y el Regueru. Amás de la falta de llimpieza nos ríos y regatos del conceyu, los conservacionistes denuncien qu'alredor de los mesmos hai bien de cases, les más d'elles ensin accesu a rede de saneamientu, polo que suponen que vierten agües a estos ríos y que, polo tanto, tán contaminaos. Concretamente, los ecoloxistes denuncien vertíos d'agües residuales na Playa de Santa María del Mar, polo que piden la llimpieza de los calces y orielles xunto col análisis del agua pa investigar si hai vertíos.